Луис Дијас веќе има договор со Баерн, објави “Билд”

Напаѓачот на Ливерпул, Луис Дијас, постигна договор со Баерн Минхен за личните услови, ексклузивно објави “Билд”.

Сега останува да видиме дали неговиот клуб ќе се договори со Германците за трансферната сума.

Пред неколку дена, “Скај Спортс” информираше дека Баварците се поврзале со раководството на англискиот шампион, но добиле одговор дека офанзивниот фудбалер не е за продажба.

Барселона е другиот сериозен кандидат за Дијас, особено по неуспехот со Нико Вилијамс.

Луис Дијас е во деликатна положба, откако овие денови го навлече гневот на многу навивачи на Ливерпул против себе. Додека голем дел од неговите соиграчи присуствуваа на погребот на Диого Жота, тој беше снимен на забава во неговата родна земја.