Лоренцо Лукa (24), напаѓачот на Удинезе кој оваа сезона прикажува добри настапи, ја згрози италијанската, но и светската фудбалска јавност со своето однесување на првиот натпревар од 26-то коло на Серија А. Удинезе победи кај Лече со 1:0 благодарение на голот на Лукa од пенал во 32-та минута, но никој освен стрелецот не го прослави.
Причината за тоа е неверојатното однесување на играчот, откако судијата со помош на ВАР додели пенал за гостите. Изведувач на пеналите на Удинезе е капитенот Флоријан Тауин, кој се упати кон топката. Сепак, топката ја украде Лукa и го тргна Тауин од топката, кој се обиде да го спречи во изведувањето на пеналот.
На капитенот му се придружи остатокот од тимот, но Лукa ги отфрли и нивните обиди да го предаде пеналот на изведувачот. Тренерот Коста Рунјаиќ исто така му нареди да ја даде топката на Тауин, но безуспешно. За да и така бизарната ситуација стане уште полуда, тогаш судијата го казни Лука со жолт картон за однесување кон соиграчите.
Напаѓачот на Удинезе се обидоа да го разумат и играчите на Лече, поттикнувајќи го да го предаде пеналот на Тауин, но безуспешно. Лукa ја задржа топката, изведе пенал и постигна гол. Сепак, ниту еден од соиграчите не му се придружи во прославата и само го гледаа. Тренерот на Удинезе потоа го замени.
Лука ова лето премина во Удинезе од Писа со отштета од 8 милиони евра. Голот кој го постигна на овој скандалозен начин му беше 12-тиот на 28-от настап оваа сезона. Трансфермаркт му ја проценува вредноста на 18 милиони евра.
.I’ve seen arguments over penalties, but this is definitely the worst one.
— Uncle Sharma 🎙️ (@RSharmzz) February 21, 2025
Even Lecce players try to take the ball away from Lorenzo Lucca, who still shamelessly takes it even when the coach told him it should be Thauvin
🤣🤣🤣pic.twitter.com/c3UlXMXJpU
Учество во игри на среќа е дозволено за лица со 18+ години. Играј одговорно!