Екипата на Вардар вечерва (20:15 часот) го игра реваншот против швајцарската Лозана во рамките од второто квалификациско коло во Конференциската лига. „Црвено-црните“ патуваат со предност од 2-1 стекната на првиот меч одигран во Скопје, но свесни се дека ништо не е готово.
Лозана важеше за фаворит во двомечот, но избраниците на Гоце Седлоски покажаa цврст карактер и квалитет на теренот. Мато и Омерагиќ беа стрелците за скопскиот тим и го обезбедија позитивниот резултат пред реваншот.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Тренерот Седлоски со доза на претпазливост ја најави вечерашната средба.
„Одигравме само едно прво полувреме од овој двомеч. Далеку дека било што е готово. Ние одиме утре да покажеме што можеме и колку можеме. Вардар ќе тргне максимално ангажирано, одговорно и прагматично. Ќе се обидеме максимално да сме фокусирани, и да ги искористиме шансите“, изјави Седлоски.
Неизвесен останува настапот на капитенот Горан Закариќ, кој се повреди на дуелот со Ла Фиорита и го пропушти првиот меч против Лозана. Тој отпатува со тимот во Швајцарија, но одлуката за негов настап ќе се донесе непосредно пред натпреварот.
Проблеми со составот има и домашниот тим, Лозана ќе биде без услугите на дефанзивецот Енцо Кана-Бијик, кој се здоби со повреда на првиот натпревар во Скопје.
Учество во игри на среќа е дозволено за лица со 18+ години. Играј одговорно!