Ливерпул заинтересиран за Пулишиќ

Медиумите на Островот пренесуваат дека Ливерпул покажува голем интерес за Кристиан Пулишиќ, ѕвездата на Милан и репрезентативец на САД.

По неговиот трансфер минатото лето од Челзи во Милан за 20 милиони евра, Пулишиќ заблеска во својата прва сезона во тимот на „Сан Сиро“ покажувајќи одлична игра.

Оваа сезона тој продолжува да се истакнува и се етаблира како еден од најдобрите играчи во Серија А.

„Црвените“ го гледаат како идеален наследник на Салах и се подготвени да направат понуда од 70 милиони евра за неговиот трансфер.