Ливерпул со 120 милиони евра го носи наследникот на Салах, а тој јавно го кажа дека сака да игра за премиерлигашот

Ливерпул во наредните денови треба да добие големо засилување, откако играчот кој го сака “половина Европа”, им кажа „да“ на „црвените“.

Британските медиуми дури ги открија и трошоците што Редсите ќе треба да ги платат за да го добијат играчот за кој се тврди дека е најдоброто откритие на Ред Бул уште од Ерлинг Халанд.

Секако, станува збор за Јан Диоманде, крилен напаѓач кој има 19 години и постигна седум голови, додаде и четири асистенции во 16 настапи оваа сезона за РБ Лајпциг.

Диоманде стигна во Германија од Леганес за 20 милиони евра и брзо стана еден од најбараните млади играчи во светот на фудбалот.