Леверкузен не попушта: Одбиле неверојатна понуда за Вирц!

Флоријан Вирц, извонредниот 22-годишен германски офанзивен играч од средниот ред, ги договори личните услови со Ливерпул, каде што сака да се пресели од Баер Леверкузен. Сепак, уште не е договорен износот за трансферот на Вирц. Според „Билд“, Леверкузен ја одбил почетната понуда од 135 милиони евра и бара минимално 150 милиони евра.

Ливерпул веќе оваа сезона купи играч од Леверкузен – Холанѓанецот Џермеин Фримпонг – за 40 милиони евра. Вирц, кој зад себе остави две фантастични сезони во Леверкузен, е голема желба на многу клубови, но Ливерпул има мала предност. Сепак, германскиот клуб влезе решително во преговорите и нема да го продаде под цената што ја бара, објавува „Билд“.

Ако Ливерпул плати повеќе од 100 милиони евра за него, што е веројатно, ќе биде тоа најголемиот трансфер досега во историјата на „црвениот“ клуб. Вирц е еднакво добар и како креатор и како изведувач во нападот, што ја прави неговата цена толку висока. Минатата сезона постигна 16 голови и помогна со 15 асистенции во 45 настапи.