Левандовски по Барса се сели во италијански гигант

Роберт Левандовски игра повторно како некогаш и јасно е дека го следат бројни великани.

Иако има 37 години, тоа не се чувствува во играта на Роберт Левандовски кој е одличен во намалената минутажа, бидејќи е посвеж..

Денес пристигнува бомбастична информација дека Левандовски е мета на Милан! 

Милан е познат по тоа што привлекува ветерани кои немаат рок на траење, Лука Модриќ е последниот во низата такви, порано ги погодиле и со Оливије Жиру, а сега на истиот пат може и Левандовски.

Полјакот е во последната година од договорот, засега нема назнаки дека би можел да остане во Барселона, иако е тој волен да прифати значително намалување на платата за да го продолжи престојот за уште една година.

Но, како што пишувавме порано денес, следува претседателска година и Жоан Лапорта мечтае за Хулијан Алварез како бомба за продолжување на мандатот. 

Левандовски пристигна во Барса летото 2022 година за 45.000.000 евра и го оправда секој износ и продолжува да се оправдува и во последната сезона…