Левандовски останува во Барселона, но под нови услови

Иднината на Роберт Левандовски во Барселона станува неизвесна, но каталонскиот клуб разгледува можност за продолжување на договорот со искусниот напаѓач со значајно намалување на платата.

Според извори блиски до клубот, кои ги објави “ESPN“, намалувањето на приходите е неопходен чекор за негово останување на “Камп Ноу”. Ханси Флик е задоволен од заложбата и играта на 37-годишниот напаѓач, и тоа ја поттикна управата на Барселона да размислува за опции да го задржи Левандовски до јуни 2027 година. Сепак, полскиот играч, кој во август ќе наполни 38 години, треба да се помири со помала улога во тимот.

Иако официјални преговори сè уште не се започнати, Деко и германскиот тренер наскоро планираат да се сретнат со играчот за да разговараат за неговата иднина. Се верува дека, и покрај тоа што е еден од најплатените играчи во тимот, Левандовски може да задржи значајно влијание во соблекувалната.

Намалувањето на платата на напаѓачот е клучно за летната трансфер стратегија на клубот. Ослободување на буџетот за плати би му овозможило на клубот да донесе нови засилувања, при што приоритет е доведување на играч кој би се натпреварувал со Феран Торес и зајакнување на одбраната со нов централен дефанзивец.

Во оваа насока, претседателот Жуан Лапорта го гледа Хулијан Алварез од Атлетико Мадрид како идеална цел, но се разгледуваат и други имиња како Душан Влаховиќ, чиј договор со Јувентус истекува во јуни. Клубот исто така треба да реши дали ќе ја искористи опцијата за купување на Маркус Рашфорд, кој беше позајмен од Манчестер Јунајтед.

Да потсетиме, Левандовски стигна на “Камп Ноу” во 2022 година од минхенскиот Бајерн и од тогаш има постигнато 116 голови во 186 натпревари. Неговото име беше поврзувано со клубови од Саудиска Арабија и MLS лигата во САД.