Летово ќе се памети: Договорен уште еден голем трансфер, а овој пат главната улога ја има Челси

Летниот трансфер период веќе ни донесе неколку одлични трансфери, но изгледа најдоброто допрва доаѓа. Во центарот на вниманието е Чави Симонс кој сигурно заминува од Лајпциг и името на неговиот нов клуб веќе е познато.

Симонс важи за еден од најголемите потенцијали во светот на фудбалот, а колку е талентиран тој покажал низ претходните сезони со одличните настапи во дресот на Лајпциг.

Сепак, откако германскиот клуб минатата сезона не успеа да се пласира во Европа, репрезентативецот на Холандија веднаш им даде до знаење на челниците на клубот дека сака да го напушти клубот.

Во изминатите недели се поврзуваше со неколку европски клубови, а најголем интерес покажа Арсенал, кој сепак не успеа да се договори за пристапот на Симонс.

Сепак, во сè тоа се вклучи и градскиот ривал Челси кој му понуди на Симонс повеќегодишен договор и експресно успеаја да ги договорат условите со овој играч за врска.

Потоа Сините контактираа и со Лајпциг за да се информираат за цената на Симонс и според англиските медиуми утрово трансферот на овој 22-годишник е завршена работа и сигурно ќе оди во Челси.

Симонс оваа недела ќе отпатува за Лондон за да ги направи лекарските прегледи, а со Сините ќе потпише договор до летото 2032 година со можност за продолжување на договорот на уште една година.

🚨 Исклучиво. – 🔜 Готова работа и потврдено! Чави #Симонс ќе потпише за #Челзи од #Лајпциг. Договор до 2032 со опција за 2033. #трансфери #ЦФК https://t.co/zzH6WvjzIj

— Nicolò Schira (@NicoSchira) July 31, 2025

Фото: Принтскрин