Френк Лампард е вистинскиот избор за нов менаџер на Челси, категоричен е поранешниот фудбалер на англискиот клуб Карлтон Кол. Лондончани се разделија со Енцо Мареска и сега тимот е воден од привремениот тренер Калум Макфарлан.
“Првиот негов период (како менаџер) беше навистина добар. Користеше млади играчи, а Џоди Морис работеше заедно со него. Заврши одлична работа, дури и повеќе од очекуваното, иако тимот немаше трансферен буџет, па требаше да користи млади фудбалери. Тоа го постави темпото и не можеме да го заборавиме. Лампард направи чуда. Ми се допаѓа идејата Лампард да биде на чело на Челси. Го познава клубот внатре и надвор. Ја разбира локалната култура и заврши добра работа уште првиот пат. Замислете што ќе се случи ако ја има потребната поддршка. Ако дојде, никој нема да може да му кажува што треба да прави”, коментира поранешниот играч на лондончани пред британските медиуми.
До кога ќе дишеме отровен воздух!? | Уште еден поткаст
Френк Лампард го водеше Челси во периодот 2019-2021 година, а подоцна беше и привремен менаџер на тимот. Во моментов, специјалистот е на чело на второлигашкиот Ковентри.
Учество во игри на среќа е дозволено за лица со 18+ години. Играј одговорно!