Легендарниот Тони Крос донесе нова голема животна одлука со која уште еднаш покажа дека е сосема поинаква личност од другите фудбалски ѕвезди и некој кој е вистински уникат во модерниот фудбал.
Крос одлучи целосно да се повлече од јавниот живот за да се посвети на семејниот живот, објави легендарниот играч за средината.
Патот на Македонија до СП 2026!? Никогаш не било полесно! ↓↓↓
Крос го напушти Реал Мадрид како легенда во јуни откако ја освои Лигата на шампионите со Реал по петти пат, а потоа стигна до четвртфиналето на Европското првенство со Германија.
Од тогаш, 34-годишникот најмногу се фокусираше на гостувања во подкасти и на своите и на други каде коментираше случувањата во светот на фудбалот.
Набргу по заминувањето во пензија, тој се најде на насловните страници поради неколку контроверзни коментари за имиграцијата во Германија.
Потоа се посвети на својот долгогодишен подкаст ‘Einfach mal Luppen’ кој го води со својот брат и исто така поранешен фудбалер Феликс.
Во последната епизода откри дека ќе земе малку слободно време и ќе се дистанцира од очите на јавноста.
“Само сакам да побегнам на некое време,” рече тој. “Не сакам да ме гледаат во весници ниту моите изјави да бидат цитирани наредните месеци.”
“Ова беше многу, многу напорна, посебна година за мене. Секој кој го познава мојот основен став знае дека тоа никогаш не беше она што всушност го сакав.”
“Едноставно сакам еднаш да бидам далеку од очите на јавноста. Сакам тоа за себе лично. Ќе го сведам на минимум сé што се однесува на патувањата во следните три месеци,” порача Германецот.
Крос така ќе се посвети целосно на семејниот живот со својата долгогодишна сопруга Џесика Фарбер и нивните три деца, два сина и ќерка.
Учество во игри на среќа е дозволено за лица со 18+ години. Играј одговорно!