Крос би ја земал „десетката“ на Модриќ и би ја дал на друг фудбалер

Реал Мадрид се поврзува со многу фудбалери, а според одредени тврдења, еден од играчите кој би можел да го засили кралскиот клуб во следната сезона е феноменалниот германски фудбалер Флориан Вирц. Легендарниот Тони Крос тврди дека 21-годишникот би бил огромно засилување за Кралевите.

Флориан Вирц со своите неверојатни партии во Баер од Леверкузен ја воодушеви фудбалска Европа, и многу гиганти би сакале да го видат овој 21-годишен играч во своите редови.

Меѓу нив е и Реал Мадрид. „Кралевите“ одамна се поврзуваат со германскиот фудбалер, но за неговите услуги потребно е да се плати најмалку 130 милиони евра.

Гигантот нема проблем со пари. Лесно може да го заврши трансферот, но Флорентино Перез е човек кој дефинитивно ќе се обиде да ја намали цената.

За легендарниот врзан играч Тони Крос нема никаква дилема. Реал нема да направи грешка ако го купи Вирц.

„Флориан Вирц во Реал Мадрид? Може да се прилагоди на секој тим во светот, па и на Реал. Со квалитетот што го поседува, би бил огромно засилување”, се зборовите на Тони Крос.