Кристијано Роналдо донел одлука за својата иднина

Кристијано Роналдо ќе продолжи да игра за Ал-Наср во Саудиска Арабија, откако конечно потпишал нов договор, објави новинарот Санти Ауна од “Фут меркато”. Досегашниот договор со клубот од Ријад беше за уште само еден месец.

Пред неколку дена напаѓачот навести дека можеби ќе го напушти Ал-Наср, што веројатно го поттикнало раководството да му понуди уште поповолни услови.

Роналдо е во овој тим веќе две и пол години, но во тој период не успеа да освои ниту еден значаен трофеј. Освен тоа, Ал-Наср заврши трет во последното издание на првенството, поради што не се квалификува за Азијската Лига на Шампиони.