Кристијано и Георгина купија имоти, каде што тешко некој ќе ги најде

Кристијано Роналдо и Георгина Родригез станаа сопственици на две ултралуксузни вили во „The Red Sea Residences“ – дел од комплексот Nujuma, a Ritz-Carlton Reserve Residence (Саудиска Арабија), сместен во срцето на Црвеното море. Ова е изолирано прибежиште, до кое пристапот е можен само со чартер брод или хидроплан.

„Црвеното Море е навистина необично место. Веќе при првата посета со Георгина почувствувавме поврзаност со островот и неговата природна убавина; тоа е место каде што се чувствуваме во мир. Сега, кога имаме дом тука, можеме да уживаме во квалитетно време со семејството во целосна осама и мир, кога ќе посакаме“, изјави Португалецот по купувањето.

Ова инвестирање во недвижнини е поттикнато од желбата на парот да уживаат со семејството во средина на целосна конфиденцијалност. Дополнително, португалската ѕвезда го зголемува своето богатство со два имоти на една од најрајските и најексклузивни дестинации во светот.

Парот ужива во кристално чистите води и осамата на местото уште од 2023 година, но сега одлучија да го направат следниот чекор и да купат две вили во Nujuma: една со три спални за семејни одмори и втора со две спални. Всушност, Португалецот и Шпанката се меѓу првите купувачи кои го избраа ова место откако ги поминале своите одмори таму.