Крај на една ера: Дешамп заминува, Франција ќе го смени својот селектор по 14 години

Л’екип објави дека Дидие Дешамп (56) ќе ја напушти селекторската функција во француската репрезентација по Светското првенство во 2026 година.

Одлуката Дешамп сам ја донел, а по 14 години ќе ја напушти клупата на Франција. Дешамп ја презеде Франција во 2012 година, наследувајќи го Лоран Блан. Досега запиша 165 натпревари. Оствари 105 победи, 34 нерешени и 26 порази, а во 2018 година го освои Светското првенство во Русија, победувајќи ја Хрватска со 4:2 во финалето.

Тој ја предводеше Франција до среброто во 2022 година во Катар и среброто на Европското првенство во 2016 година во Франција и ја освои Лигата на нациите во 2021 година.

Kaко фудбалер за репрезентацијата играше од 1989 до 2000 година и го освои Светското првенство во 1998 година во Франција и Европското првенство во 2000 година во Белгија и Холандија. Во својата кариера настапуваше за Нант, Марсеј, Бордо, Јувентус, Челзи и Валенсија, а како тренер раководеше со Монако, Јувентус и Марсеј.