Ковачиќ за проблемите на Сити: Тешко е, вакво нешто никогаш не се случило во клубот

Манчестер сити е петтиот тим во Премиер лигата и заостанува 16 поени зад водечкиот Ливерпул. Актуелниот англиски првак во ноември влезе во слаба форма и во периодот од 30 октомври до 1 декември запиша реми и шест порази во сите натпреварувања.

Покрај тоа, Сити е блиску до елиминација од Лигата на шампионите по поразот 3:2 од Реал на стадионот Етихад во првиот натпревар од плејофот за осминафиналето. Реваншот се игра во вторник и во тој меч тимот на Пеп Гвардиола ќе се обиде да ја спаси сезоната. Сити ќе има шанса за нов трофеј во ФА купот, каде што стигна до осминафиналето. Да се потсетиме, Сити го освои ФА Комјунити Шилд на почетокот на сезоната, но таа веќе е прогласена за дебакл, а за сè тоа за Скај говореше Матео Ковачиќ.

„Многу добро ја започнавме сезоната и од ноември навлеговме во криза. Направиме два чекора напред каде играме добро, а потоа малку назадуваме. Секоја грешка што ја правиме завршува со гол, а во натпреварите кои скоро ги добиваме примаме голови од никаде.

Тешко е, такво нешто никогаш не се случило овде. Но, велам, во фудбалот секогаш моментите можат да ја дефинираат сезоната. Може сè да оди на добар или лош начин, а ние ќе гледаме како да ја смениме сезоната на добар начин бидејќи има уште многу натпревари за играње”, рече Ковачиќ.