Тешката повреда што ја доби Родриго може да биде златна шанса за Нејмар во однос на неговиот сон да игра со Бразил на уште едно светско првенство. Според UOL Esporte, Карло Анчелоти веќе сериозно ја разгледува можноста да го повика напаѓачот на Сантос за претстојните пријателски натпревари со Франција и Хрватска.
Како што е познато, Родриго претрпе една од најтешките повреди во фудбалот – скината предна вкрстена врска, што со сигурност ќе го исклучи од учество на Мундијал 2026.
Street Workout Macedonia – Движење што гради сила, карактер и издржливост | Уште еден поткаст
Анчелоти ќе го објави својот список на играчи на 16 март, на кои ќе се потпира за споменатите пријателски натпревари. До тогаш, Нејмар ќе одигра уште два натпревара со Сантос. Ако во нив покаже дека физичката форма му е добра, скоро сигурно 34-годишниот напаѓач ќе биде повикан. Неговите шанси ќе се зголемат ако до тогаш талентот на Челси Естевао, кој се опоравува од мускулна повреда, не е подготвен за игра.
Досега токму физичките проблеми на Нејмар беа главниот фактор што го спречуваше Карло Анчелоти да го повика во националниот тим. Неговиот последен натпревар со националниот дрес беше на 17 октомври 2023 година.
Учество во игри на среќа е дозволено за лица со 18+ години. Играј одговорно!