Откако веќе ги обезбедија потписите на Хојлунд и Скот Мектоминеи, Неаполитанците сега сакаат да доведат уште еден врскаш од Олд Трафорд – талентираниот Коби Мејну.
Конте наводно смета дека екипата има потреба од дополнителна свежина во средината на теренот за да се засили конкуренцијата и стабилноста во втората половина на сезоната. Мејну, иако е многу млад, покажа огромен потенцијал и профил што, според мислењето на стручниот штаб на Наполи, совршено одговара на нивните потреби.
Како екраните влијаат на детскиот развој? Разговор со дефектолог
Според пишувањата на италијанските портали, Наполи планира да бара позајмица до крајот на сезоната, за да го интегрира играчот во ротацијата без долгорочни финансиски обврски.
Неаполитанците, според изворите, се подготвени да ја преземат целата плата на Мејну за време на позајмицата. Овој детал се смета за клучен адут со кој Контеовиот клуб сака да го убеди Manchester United да се согласи на трансферот.
С оглед на згуснатиот распоред и големиот број на натпревари напролет, United ја разгледува опцијата на младиот врскаш да му овозможи поголема минутажа преку позајмица. Сепак, одлуката нема да биде лесна, затоа што Мејну се смета за еден од најперспективните играчи од клупската академија.
Наполи е свесен дека преговорите ќе бидат сложени, но во клубот веруваат дека проектот што го нуди Конте, со загарантирана минутажа, би можел да има пресудна улога.
Учество во игри на среќа е дозволено за лица со 18+ години. Играј одговорно!