Кој ќе биде Златната копачка? Ѓокереш постигна 38 голови, но Мбапе и Салах се поблиску до трофејот

Возбудата во трката за Златната копачка на Европа достигна кулминација последниве недели, бидејќи за најдобар стрелец на Стариот континент се натпреваруваат тројца извонредни напаѓачи.

Тековниот лидер на листата е Швеѓанецот Виктор Ѓокереш, кој постигна неверојатни 38 голови оваа сезона за својот Спортинг.

Сепак, коефициентот на португалската лига е нешто понизок во однос на лигите на петте најсилни европски лиги, односно изнесува 1,5, па на листата за Златната копачка моментално има 57 поени. До крајот на првенството ќе одигра уште еден натпревар.

На второто место се Французинот Килијан Мбапе од Реал Мадрид и Египќанецот Мохамед Салах од Ливерпул.

🚨 BREAKING: Golden boot race ranking:

– Gyokeres: 57 points (38 goals)
– Kylian Mbappé: 56 points (28 goals)
– Mo Salah: 56 points (28 goals). pic.twitter.com/YjVMhkHj8C

— Madrid Universal (@MadridUniversal) May 14, 2025

Двајцата извонредни фудбалери постигнаа по 28 голови, а бидејќи играат во најсилните лиги (Премиер лига и Ла Лига), бројот на голови се множи со два, па имаат 56 поени.

За разлика од Ѓокереш, Мбапе и Салах имаат да одиграат уште по два натпревари до крајот на првенството и нема сомнеж дека како фаворити ќе влезат во завршницата на трката за Златната копачка.