Кој е голманот кој во услови на забрана, клубот плати 25 милиони евра за трансфер.

ФК Барселона официјално го објави пристигнувањето на Жоан Гарсија од градскиот ривал Еспањол, активирајќи ја откупната клаузула од 25 милиони евра.

Сепак, и покрај потпишувањето шестгодишен договор кој трае до 2031 година, Гарсија сѐ уште не може да биде регистриран како играч на Барселона.

Претседателот на Ла Лига, Хавиер Тебас, веднаш реагираше со порака:

„Во овој момент, Барселона не може да регистрира ниту еден нов играч.“

Кој е Жоан Гарсија – новиот чувар на мрежата на Барса?

Жоан Гарсија, 24-годишен голман роден во Салент во Каталонија, го започна својот фудбалски пат во младинската школа на Еспањол, каде што игра од мали нозе. Професионален договор потпиша откако стана полнолетен, а првите две години бранеше за Б тимот, додека последните четири сезони беше дел од првиот тим.

Статистика од минатата сезона

Во сезоната 2024/25, Гарсија настапи на 38 натпревари во сите натпревари, прими 51 гол, а осум пати ја зачува својата мрежа недопрена. Неговите добри реакции и стабилноста меѓу стативите го направија еден од најперспективните голмани на Пиринејскиот полуостров, што ја поттикна Барселона да инвестира во неговото доаѓање.