Реал Мадрид повторно е во центарот на големи промени, откако Чаби Алонсо доби отказ од клупата на кралскиот клуб. Иако очекувањата беа огромни, управата оцени дека е потребен нов пресврт за клубот да се врати на патеките на успехот.
Во Мадрид веќе интензивно се шпекулира за потенцијалните наследници, а едно име посебно се истакнува. Според странски медиуми, Јирген Клоп е назначен како еден од главните кандидати за клупата на Реал.
До кога ќе дишеме отровен воздух!? | Уште еден поткаст
Германецот, кој остави длабок впечаток во Борусија Дортмунд и Ливерпул, моментално е без клуб, што дополнително ги подгрева гласините за неговото можно доаѓање на Сантјаго Бернабеу. Неговиот тренерски авторитет и харизма го прават извонредно привлечна опција за претседателот Флорентино Перез.
Сепак, доаѓањето на Клоп наводно има сериозна цена. Англиски извори тврдат дека германскиот експерт поставил многу јасен услов на управата на Реал, кој може да предизвика вистински потрес во соблекувалната.
Имено, Клоп наводно инсистира на заминување на Винисиус Жуниор, една од најголемите ѕвезди на клубот. Бразилецот со години е носител на играта на Реал и симбол на новата генерација на кралскиот клуб.
Таквото барање сигурно нема да му се допадне ниту на Винисиус, ниту на голем дел од навивачите, кои го сметаат за недопирлив. Сепак, Клоп очигледно има јасна визија за тимот што сака да го гради во Мадрид.
Според истите извори, Клоп смета дека системот што го претпочита би функционирал подобро без Винисиус во екипата. Наместо него, Германецот наводно сака да го доведе Нико Вилијамс од Атлетик Билбао.
Управата на Реал сега е пред тешка одлука. Доведеното на Клоп би значело голем искорак и јасна порака за амбициите, но во исто време би барало жртвување на една од најголемите ѕвезди на клубот.
Учество во игри на среќа е дозволено за лица со 18+ години. Играј одговорно!