Легендарниот италијански тренер Фабио Капело даде интервју за Marca во кое ги анализира актуелните фудбалски случувања. Шпанскиот спортски дневен весник особено инсистираше на анализа на ситуацијата и проблемите со кои се соочува Реал Мадрид под водство на Чаби Алонсо. Разговорот во еден момент се насочи кон Лука Модриќ.
Да потсетиме, капитенот на Хрватска минатото лето го напушти Реал Мадрид за кој играл од 2012 година. Го напушти како најтрофејниот играч (28) во историјата на славниот клуб, а потоа замина во Милан. Црвено-црните од „Сан Сиро“ минатата сезона беа осма екипа во Серија А, а моментално се втора, со еден бод заостанување зад водечкиот Интер.
До кога ќе дишеме отровен воздух!? | Уште еден поткаст
Капело беше побаран да го прокоментира проблемот на Реал со создавање игра. Во прашањето беше истакнато дека Модриќ во Милан игра одлично и се истакнува на возраст од 40 години.
„Да, но Лука е уморен, малку уморен, иако игра одлично. Реал Мадрид веќе нема голем квалитет во средниот ред. Кога ќе помислиш на Модриќ, Крос и Касемиро, каде денес ќе најдеш таков среден ред? Тоа беше силата на Реал Мадрид сите овие години”, одговори Капело.
Учество во игри на среќа е дозволено за лица со 18+ години. Играј одговорно!