Кошаркарската репрезентација на Турција приреди големо изненадување во последното коло од групната фаза, совладувајќи ја Србија со 95-90.
Натпреварот започна тензично и со малку поени. Двете селекции се мачеа во нападот, па првата четвртина заврши во корист на Турција со тесни 19-18. Во втората четвртина, Србија го пронајде ритамот и со поагресивна игра во напад стигна до предност на полувреме (49-46).
Како екраните влијаат на детскиот развој? Разговор со дефектолог
Турците, предводени од талентираната генерација, успеаја да се консолидираат во третиот период и да го вратат водството (74-73). Последната четвртина понуди вистинска драма – резултатот постојано се менуваше, а неизвесноста траеше до самиот крај. Сепак, во пресудните моменти блескаа Алперен Шенгун, Ларкин и охридскиот ас Чеди Осман, кои со клучни поени и асистенции ја потврдија големата победа на Турција со конечни 95-90.
Шенгун беше вистински херој на натпреварот, постигнувајќи 28 поени, со 13 скокови и осум асистенции – речиси трипл-дабл учинок. Ларкин дополнително придонесе со 23 поени и девет асистенции, додека Осман внесе сигурност со 16 поени, еден скок и две асистенции.
Учество во игри на среќа е дозволено за лица со 18+ години. Играј одговорно!