Joкиќ втор пат по ред МВП во НБА!

Новинарот на „ЕСПН“, Адријан Војнаровски објави дека Никола Јокиќ е прогласен за МВП во регуларниот дел од сезоната 2021/2022 во НБА лигата.

Според неговите најави официјалната потврда ќе биде соопштена наредната недела. Србинот добил најмногу гласови во однос на останатите кандидати како Жоел Ембид, Јанис Антетокумпо и Стеф Кари кои беа во потесната конкуренција.

За Јокиќ ова признание би било второ по ред затоа што до него стигна и минатата година. Сезонава Денвер стигна до плеј-офот каде што Јокиќ мораше сам да го води тимот без повредениот Џамал Мареј. Нагетси беа елиминирани во првата рунда од плеј-офот од Голден Стејт.