Jaник Синер по суспензијата за допинг се враќа на терените: Ги дозна и противниците

На Италијанецот Јаник Синер му заврши тримесечната суспензија, која му беше наложена поради користење на недозволената супстанца клобестол.

Тој пропушти неколку турнири, а првиот на кој ќе игра по суспензијата ќе биде Мастерсот во Рим, кој започнува на 7 мај. Веќе сега, познати се потенцијалните противници на Италијанецот во Рим.

Во првото коло Синер ќе биде слободен, а потоа во следната рунда би можел да игра против Маријано Навоне или Федерико Корија. Потоа, во третото коло би се соочил со Давидович Фокина, во четвртото со Серундоло или Тијафо, додека во четвртфиналето би можел да се сретне со Руд или Шелтон. Ако успее да помине во полуфиналето, Синер би налетала на Фриц или Де Минор, додека во финалето би можел да се соочи со Алкараз или Зверев.

Од поголемите носители, Александар Зверев е слободен во првото коло, па продолжува со квалификант или Камил Уго Карабеља. Данил Медведев исто така е слободен, па продолжува со квалификант или Кристофер О’Конел. И Дрејпер е слободен во првата рунда, па продолжува со Лучијано Дардери или Бу Јуншокет.

Секако, тука е и Карлос Алкараз кој по слободното прво коло продолжува со Јан Ленард Штруф или Јошихито Нишиока. Исто така, во првото коло слободен е и Руд, па ќе продолжи со Роман Сафјулин или Александар Бублик.

Трофејот во Рим го брани германскиот тенисер Александар Зверев, а турнирот ќе се одржува од 7 до 18 мај.

Rome’s draw.

Sinner is back. pic.twitter.com/rSU9Rj5U2l

— Хосе Моргано (@josemorgado) 5 мај 2025

.

Фото: Jannik Sinner/FB