Јамал по дербито ги „запали“ социјалните мрежи: Една реченица по мечот ги крена сите на нозе

Барселона победи во каталонското дерби, но после натпреварот најмногу се зборува за пораката на Ламине Јамал.

Барселона уште еднаш покажа кој е господарот во каталонското дерби против Еспањол, но вистинската приказна започна дури по последниот свиреж на судијата кога емоциите излегоа на површина.

Еден од главните актери на натпреварот одлучи да го пренесе славењето не само на теренот, туку и на социјалните мрежи, каде што многу брзо предизвика лавина од реакции меѓу навивачите и ривалите.

Набрзо по завршувањето на средбата, на Инстаграм се појави објава која за кратко време стана вирална, а пораката која ја следеше беше сè, само не случајна.

„Барселона е сино-црвена. Мора да се голтне, како секогаш”, гласеше коментарот кој дополнително ја зголеми тензијата и јасно ја истакна перцепцијата за односот на силите во градот.