Изненадување; Алегри конечно во Премиер лига и тоа на место каде никој не очекуваше?!

Масимилијано Алегри се поврзуваше и во минатото со клубови од Премиер лигата, а сега би можел да седне на клупата на Вест Хем!

Како што пренесуваат англиските медиуми, раководството на Вест Хем го контактирало Италијанецот и одржале средба на која преговарале за потенцијалното преземање на менаџерската позиција.

Хулен Лопетеги е под голем притисок, Вест Хем има само четири победи во досегашните 14 кола од Премиер лигата и се наоѓа на 14. место на табелата.

Во случај на неуспех против Вулверхемптон и Борнмут за викендот, Шпанецот би можел да добие отказ пред Божиќ.

Алегри е слободен откако летово остана без работа во Јувентус, имаше понуди од Саудиска Арабија, се спомнуваше и Рома, дури и Милан, но на крајот не се договори со ниту еден клуб.