На социјалните мрежи се шири фотографија на Килијан Мбапе од неговите тинејџерски години, а она што привлекува најмногу внимание е деталот во долниот лев агол – на сликата се појавува Лука Модриќ!
Сликата го прикажува Мбапе под постерот на Реал Мадрид, клубот за кој денес игра и кој отсекогаш сакаше да го претставува. Сепак, она што ја прави фотографијата посебна е фактот дека тогаш бил само тинејџер, додека Модриќ веќе бил искусен фудбалер. Денес се соиграчи, а 39-годишниот Хрват сè уште доминира на теренот.
Анде Јанков - автор на крими романи: Блискоста на реалноста и фикцијата! ↓↓↓
Оваа фотографија повторно ја нагласува неверојатната долговечност и неуништливост на капитенот на хрватската репрезентација. Модриќ дојде во Реал Мадрид уште во 2012 година, а до денес има одиграно дури 579 натпревари, постигнато 43 гола и забележано 93 асистенции. Освоил шест титули во Лигата на шампиони и дури 28 трофеи, што го прави рекордер на клубот!
Од друга страна, Мбапе минатото лето конечно го оствари својот сон и пристигна во Реал Мадрид по истекот на договорот со ПСЖ. Французинот од тогаш има одиграно 44 натпревари, постигнато 31 гол и асистирано пет пати.
Фотографијата предизвика лавина коментари. Додека некои навивачи ја опишаа сцената како “бизарна комбинација на минатото и сегашноста”, други се фасцинирани од фактот дека Модриќ и на 39 години игра на врвно ниво.
Долговечноста на Модриќ. pic.twitter.com/M6orgBUhmC
— Curiosidades Europa (@CuriosidadesEU) 16 март 2025
Учество во игри на среќа е дозволено за лица со 18+ години. Играј одговорно!