Ибрахимовиќ на Милан му носи спектакуларно засилување од Барселона!

Милан оваа сезона игра во одлична форма и се наоѓа на самиот врв на Серија А, а доаѓањето на Лука Модриќ беше вистинска стратегија за успех. Сепак, Златан Ибрахимовиќ и неговите соиграчи не запираат тука и планираат да донесат импресивно засилување од Барселона веќе во јануари.

Откако Златан Ибрахимовиќ ја презеде одговорноста за трансферите на Милан, тимот покажува значителен напредок и моментално е на третото место во Серија А со само бод зад лидерот Наполи.

Минатото лето, „росонерите“ повлекоа одличен потег со ангажирањето на Лука Модриќ, кој по 13 години го напушти Реал Мадрид, и овој потпис се покажа како полн погодок.

Многумина се двоумеа, бидејќи искусниот Хрват има веќе 40 години, но Модриќ докажа дека неговата игра останува на врвно ниво.

Сепак, Милан сега очајно бара напаѓачко засилување, а Ибрахимовиќ е полн со елан за да ја заврши оваа задача веќе во јануари.

Има информации дека Ибрахимовиќ сака во Милан да доведе импресивно засилување, а на неговиот радар е Роберт Левандовски од Барселона.

Полскиот фудбалер има договор со Каталонците до крајот на сезоната и сè повеќе се шпекулира дека Барселона сака да донесе помлад напаѓач наместо него.

И покрај тоа што Левандовски изјави дека ќе чека на одлуката на Барселона до последен момент за новиот договор, не е исклучено ситуацијата да се промени, бидејќи повикот од Сан Сиро тешко се одбива.

Според каталонскиот „Спорт”, Ибрахимовиќ веќе почнал да се информира околу Левандовски и се надева дека Барселона можеби ќе се согласи да го продаде во јануари, за да избегне негов слободен заминување следното лето.

🚨 BREAKING: AC Milan are exploring a January move for Robert Lewandowski.

The player prefers to stay at Barça until his contract ends next June and could accept a pay cut to extend his stay.

— @sport pic.twitter.com/uR4LQsYk7c

— Barça Universal (@BarcaUniversal) November 7, 2025