Ибрахимовиќ се огласи за неговата здравствена состојба: Изгубив три килограми…

Фановите во последниве денови беа загрижени за здравствената состојба на Златан Ибрахимовиќ.

Грипот е минато, Ибрахимовиќ во недела се појави во Наполи, на стадионот Диего Марадона каде Милан играше против Наполи. Во дерби натпреварот од 30. коло на Серија А, Наполи го победи Милан со 2:1.

Ибрахимовиќ откри што се случувало во последниве денови и не ја пропушти можноста да се пошегува.

“Сигурно моето тело беше во шок бидејќи ја шишав косата, ха ха! Се разболев, се заразив од некаков вирус. Изгубив три килограми”, изјави советникот на раководството на Милан.

Некои заклучија дека легендарниот Ибра бил во расправија со управата на Милан.

“Не сме во расправија, разговараме. Тука сум за да помогнам на сите во клубот, на теренот и надвор од него. Така беше порано, така е сега и така ќе биде во иднина”, заклучи легендарниот напаѓач на Милан.