Тренерот на Манчестер Сити Џосеп Гвардиола ги коментираше информациите што се појавија вчера дека клубот се подготвува за живот без него, бидејќи Шпанецот планира да замине по крајот на сезоната. Пеп изјави дека нема разговори со клубот за неговата иднина и се чувствува среќен, но во фудбалот никогаш не знаеш што може да се случи.
“Во последните три или четири години, во одредени периоди, ми го поставуваат ова прашање. Порано или подоцна – на 75 или 76 години, ќе го напуштам Манчестер Сити. Го разбирам тоа прашање кога мојот договор истекува, но сега ми остануваат уште 18 месеци. Толку сум задоволен, среќен и возбуден од развојот на тимот и тоа што сум таму. Но, ова прашање се појавува секоја сезона во одредени моменти. Добро сум. Клубот и јас сме поврзани на неверојатен начин во однос на одлуките што треба да ги донесеме. Она што ќе се случи, ќе се случи.
Воздухот што нè убива: Зошто Скопје е меѓу најзагадените градови?
Дали во моментов разговараме за мојата иднина? Нема такви дискусии. Крај на темата. Во мојата втора или трета сезона овде реков дека нема да останам засекогаш. Но, нема такви разговори. Секако, клубот треба да биде подготвен за сè, вклучувајќи играчи, извршни директори. Со исклучок на сопствениците, освен ако не одлучат да го продадат клубот, што не мислам дека ќе се случи, за сите други треба да бидат подготвени. Овде сум, но никој не знае што може да се случи. Дури и ако имам договор на 10 години, фудбалот многу се менува. Сега сум фокусиран на Вест Хем и потоа да поминам неколку дена со татко ми. Потоа се враќам за Нотингем Форест, Сандерленд, Челси, Брајтон и сите работи што не очекуваат”, изјави Гвардиола на денешната прес-конференција.
Учество во игри на среќа е дозволено за лица со 18+ години. Играј одговорно!