Иако уште не е официјално, многу веројатно е дека Пеп Гвардиола ова лето ќе ја заврши својата ера во Манчестер Сити. Каталонскиот стратег ќе ги запечати десетте години полни со страст, труд и успеси, со верба дека неговата мисија на Етихад е исполнета. Според шпанските медиуми, неговото враќање на тренерската сцена веќе предизвикало бура од понуди.
Зошто проблемот со улични кучиња СÈ УШТЕ постои? | Уште еден поткаст
Името на Гвардиола е привлечно за многу раководства и фудбалски сојузи. Иако сè уште е под договор со Сити, Каталонецот секогаш бил поврзуван со врвни клубови и елитни репрезентации. Неколку пати, самиот Гвардиола изјавил дека го привлекува идејата за водење на една национална екипа, што би било сосема ново искуство во неговата кариера започната во Барселона Б.
Саудиците му нудат богатство
Како што пренесува шпанскиот Спорт, оваа можност веднаш предизвикала интерес од неколку сојузи кои сонуваат за натпреварувачки напредок под водство на Каталонскиот тренер. Обединетите Арапски Емирати и Саудиска Арабија наводно веќе покажале интерес за неговите услуги по вестите за можното заминување од Сити.
Во случајот на Саудиска Арабија, залогот би бил особено голем. Наводно, пред него е ставено вистинско богатство, со износи кои можат да достигнат до 90 милиони евра по сезона, вклучувајќи плата и бонуси.
Учество во игри на среќа е дозволено за лица со 18+ години. Играј одговорно!