Гвардиола го враќа Рафиња во Премиер лигата? Цена 80 милиони евра

Поранешниот фудбалер на Лидс, Рафиња, блеска последните две сезони во дресот на Барселона.

Ел Насионал пренесува дека Манчестер Сити сериозно го разгледува трансферот на крилниот напаѓач на Барселона и бразилската репрезентација, 28-годишниот Рафиња.

Најверојатно, Пеп Гвардиола го посочил Рафиња како еден од клучните играчи за „новиот Сити“, а англискиот клуб е подготвен да вложи повеќе од 80 милиони евра во неговиот трансфер за да го зајакне својот напаѓачки потенцијал.

Рафиња буквално експлодира во дресот на Барселона. Оваа сезона одигра 42 натпревари во сите натпреварувања, постигна 27 голови и обезбеди 20 асистенции.

Во Каталонија пристигна во 2022 година од Лидс Јунајтед за само 20 милиони евра, а сега неговата пазарна цена е многу поголема. Рафињиниот договор со Барселона важи до јуни 2027 година.

Во текот на богатата кариера има играно во Португалија (Виторија Гимараеш и лисабонски Спортинг), Франција (Рен), Англија (Лидс) и сега во Шпанија (Барселона). За Бразил има одиграно 31 натпревар и постигнато десет голови.