Гвардиол е минато: Пеп има понуда од која боли глава за нов дефанзивец на Манчестер сити

Манчестер Сити има навистина лоша сезона. Испаднаа од Лигата на шампионите од Реал Мадрид веќе во шестнаесеттина финалето, а во Англија нема да ја одбранат титулата бидејќи заостануваат речиси 20 бодови зад лидерот Ливерпул.

Сезоната за заборав на „Етихад“, но Пеп Гвардиола има секако „кредит“ кај управата на клубот, па така што ќе го води клубот и во наредниот период.

Пред нас е возбудливо лето на „Етихад“, во тоа нема сомнеж, „Граѓаните“ ќе направат реконструкција на тимот.

Се очекуваат заминувања, но и нови засилувања во редовите на Манчестер Сити, а во моментов Пеп Гвардиола има една голема желба.

Според пишувањата на англиските медиуми, Гвардиола сака во редовите на Сити да го донесе 22-годишниот бразилски стопер Мурило кој оваа сезона експлодираше во дресот на Нотингем Форест.

Тековната вредност на Мурило е 50 милиони евра и договорот со Нотингем му трае до јуни 2029 година.