Гундоган откри: Фудбалер на Ливерпул имал неверојатно прашање за пеколот во Истангул

Навивачите на Ливерпул искaжаа незадоволство откако Илкај Гундоган откри што го прашал еден фудбалер на тимот од Енфилд за време на синоќешниот натпревар.

Ливерпул го доживеа вториот последователен пораз, откако потфрли на теренот на Галатасарај во Истанбул. Победничкиот гол за домашниот тим го постигна Виктор Осимен.

Дополнителен удар за англискиот премиерлигаш беа повредите на Алисон Бекер и Уго Екитике што ги заработија на Рамс Парк. Атмосферата на стадионот беше далеку од пријатна за гостите.

Галатасарај е познат по својата страсна поддршка од трибините, особено за натпреварите од Лигата на шампионите, што очигледно беше шок за играчите на Ливерпул.

По завршувањето на натпреварот, Илкај Гундоган, кој игра на средината на теренот за Галатасарај, сподели дека добил необично прашање од еден од противничките играчи.

Според Гундоган, фудбалерот, чие име не го откри, имал многу директно прашање за амбиентот на трибините.

“Ако сте ја виделе атмосферата на стадионот, ќе сфатите зошто играчот од Ливерпул, на сред натпревар, ме праша дали вака е секогаш,” сподели Гундоган.

Gundogan said one of the Liverpool players (refuses to name them) asked if the atmosphere is always like this.

Which player do you think Gundogan is talking about? 🤔

pic.twitter.com/iP78rPss1P

— The Anfield Buzz (@TheAnfieldBuzz) September 30, 2025

Дури и новинарот беше изненаден додека го слушаше Гундоган.

“Играчот на Ливерпул го постави тоа прашање?”, упати новинарот.

“Да, во текот на натпреварот. Не сакам да го спомнувам неговото име, но дури и за нив ова беше незаборавна атмосфера вечерва,” одговори Гундоган.

Реакцијата на навивачите на Ливерпул беше недвосмислена во своето незадоволство.

“Кој и да е, нека остане таму,” коментираа фановите.

“Замислете играч од Енфилд да праша за атмосферата.”

“Ако ова е вистина, тоа е срамота. Како е можно играч на еден од најголемите клубови на светот да постави вакво прашање?”

Ливерпул сега цели кон враќање на победничките патеки, а следното испитување ќе биде против Челси на Стамфорд Бриџ.