Челси на својот стадион ја совлада Барселона со 3:0 во четвртото коло на Лигата на шампионите. Стрелци беа Жул Кунде со автогол во 27. минута, Естевео во 55. и Лијам Делап во 73. минута. Барселона играше со играч помалку од 44. минута, откако Роналд Араухо доби втор жолт картон.
Херој на победата на Челси е нивниот лев бек Марк Кукурела, кој совршено го чуваше Ламин Јамал, десното крило на Барселона. Кукурела (27) потекнува од Барселона и во Ла Масија пристигна како 14-годишник, каде што остана осум години. Сега е јунакот на триумфот против поранешниот клуб, откако успешно ја неутрализираше 18-годишната суперѕвезда, која исто така му е соиграч во репрезентацијата.
Од лозје до чаша: Уметноста на виното со Теодор Бојаџиев | Уште еден поткаст
Кукурела го слави и неговиот клупски и репрезентативен соиграч. Роберт Санчез, голманот на Челси и Шпанија, изјави по натпреварот: „Кукурела го стави Јамал во џеб“ и имаше порака за младата ѕвезда на Барса: „Сите се одлични додека не пристигнат во Англија.“ На прашањето дали Барселона е фаворит, одговори со насмевка: „Фаворит Барселона? Фаворити сме ние“, заклучи Санчез, кој аплаудираше на Кукурела кога му беше доделена наградата за играч на натпреварот.
Кукурела објасни како го сопре Јамал: „Се трудев натпреварот да му биде што потежок. Се обидував да го насочам кон средина, каде што се наоѓа Каиседо. Не можев да го оставам сам на десната страна. Тоа му е послаба нога, но со таков играч никогаш не знаеш.“
Учество во игри на среќа е дозволено за лица со 18+ години. Играј одговорно!