Го менува клубот, но не и боите на дресот: Јувентус заинтересиран за фудбалер на Њукасл

Јувентус во оваа зима заврши неколку добри трансфери, а италијанските медиуми носат детали за уште еден можен. Желба е дефанзивецот на Њукасл.

„Старата дама“ продолжува да бара стопер во јануарскиот преоден рок, со поглед кон Англија.

„Бјанконерите“ оваа недела веќе го дочекаа Алберто Коста од Виторија, Рандал Коло Муани исто така ги помина медицинските прегледи, но изгледа тука не е крајот на засилувањата.

До крајот на јануари, тимот би требало да претстави нов стопер и така да го реши проблемот со повредата на Бремер.

Фикајо Томори од Милан останува опција, но како што сега објавува Џанлука ди Марцио, прв избор е Лојд Кели.

На Англичанецот не му е загарантирано местото на стартер меѓу „црно-белите“ кај Еди Хау и оваа сезона настапи само на девет натпревари во Премиер лигата.

Од нив, само четири натпревари започна од првата минута, што доволно говори за неговиот статус во тимот на „Сент Џејмс Парк“.

Ди Марцио известува дека Њукасл го проценува Англичанецот на околу 30 милиони евра, што веројатно ќе биде премногу за Јувентус во јануари со оглед на моменталните ограничувања на буџетот.