Младиот дефанзивец моментално игра на позајмица од Тотенхем, кои го купија од Хајдук за 11 милиони евра. Позајмицата завршува на 30 јуни, по што би требало да се врати во Лондон. Сепак, според германските медиуми, тој најверојатно нема долго да остане таму. Не е задоволен од својот статус во клубот, особено по одлуката за праќање на позајмица.
Лука Вушковиќ (19) брзо стана еден од најбараните млади фудбалери на европската сцена. Со импресивните настапи во ХСВ, тој привлече внимание од најголемите клубови, но речиси е сигурно дека наредната сезона нема да игра за германскиот второлигаш.
Исхрана, повреди и тренинг – совети од доктор по спортска медицина | Уште еден поткаст
Интерес за Вушковиќ покажуваат бројни престижни тимови од Европа. Реал Мадрид, Ливерпул и Барселона се меѓу клубовите кои сакаат да го видат во своите редови. Реал го следи уште од младинските натпреварувања, а Ливерпул може да делува во зависност од развојот на ситуацијата со Ибраима Конате, на кого му истекува договорот на крајот од сезоната.
Барселона исто така сериозно го разгледува неговото привлекување, што можеби го олеснува фактот дека неговиот агент Пини Захави има одлични односи со претседателот на клубот. Наводно и Иван Ракитиќ го препорачал на својот поранешен клуб.
Покрај тоа, се споменуваше и интересот на Баерн и Челзи, но останува прашањето кој тим ќе биде подготвен да плати сума која би можела да го надмине вреднувањето од околу 60 милиони евра.
Учество во игри на среќа е дозволено за лица со 18+ години. Играј одговорно!