Германците ги избраа најдобрите во годината!

Фудбалерот на Бајерн Џамал Мусиала ја доби наградата за најдобар играч на годината во составот на германската репрезентација.

Офанзивниот играч од средниот ред играше одлично во текот на целата година за Бајерн, а блескавите настапи ги пренесе и во националниот дрес.

Мусиала играше многу добро и на Европското првенство оваа година, на кое Германците несреќно отпаднаа во четвртфиналето од понатамошниот шампион Шпанија, па ја понесе титулата најдобар играч на „панцерите“.

Тој доби 56 проценти од гласовите и ја освои наградата по втор пат во кариерата. Прва награда доби во 2022 година. Зад себе ги остави Флоријан Вирц, член на Леверкузен, кој имаше 38 проценти, а Каи Хаверц од Арсенал освои шест проценти од гласовите на публиката.

И статистиката е во корист на Мусиала. Постигна три гола на Европското првенство, а покрај тоа додаде и два гола и три асистенции во Лигата на нациите.

Во својата кариера Мусиала има одиграно 38 натпревара за Германија и постигнато седум голови.

Оваа сезона за Бајерн на 20 натпревари постигна 11 голови и додаде пет асистенции.