Играчот на Рома Ману Коне даде интервју за „Кориере дела сера“, каде што беше прашан колку блиску бил до трансфер во Интер ова лето.
„Ако клуб како Интер покажува интерес, тоа е позитивно за мене. Разговарав со Џан Пјеро Гасперини за тоа и му кажав дека не знаев што ќе се случи. Но додадов: „Додека ја носам оваа маица, ќе давам 100%. Рома беше единствениот клуб што веруваше во мене пред една година, така што сум должен да му возвратам. Дали имаше повици од Јан Зомер и Маркуш Турам? Имаше шеги на таа тема. Ми рекоа да го направам најдобриот избор, но тоа не зависеше од мене. Бев прилично среќен во Рома, така што не е како да сакав да си заминам по секоја цена“, сподели Коне.
Македонија се дави во ѓубре - решението го бараме во Данска
Францускиот репрезентативец исто така призна дека уште во 2021 година можел да премине од Тулуз во Милан, но наместо тоа тогаш претпочита да се приклучи на Борусија Менхенгладбах.
„Вистина е дека разговарав со Милан. Фредерик Масара ми се јави, но тогаш за мојот развој беше правилно да одам во Борусија. Овде, во Рома, повторно се сретнав со Масара (сегашниот клубски директор). Затоа циклусот на некој начин е затворен, така ли?“, додаде 24-годишниот играч.
Учество во игри на среќа е дозволено за лица со 18+ години. Играј одговорно!