Фонсека: Казната ми е многу неправедна, не го допрев судијата

Тренерот на Лион Пауло Фонсека даде прв коментар по својата строга казна да не влегува во соблекувалната на тимот до 15 септември пред и по натпреварите и да не ги води до 30 ноември. Тој повторно нагласи дека не го допрел судијата на мечот против Брест Беноа Мило иако се приближил со глава кон него.

„Што можам да кажам? Многу е неправедно. Повторно потврдувам дека воопшто не го допрев судијата. Тоа не беше физички напад. Но, ја имам поддршката на клубот, што е најважната работа. Ја имам поддршката на овој неверојатен колектив, на моите играчи и на навивачите. Дали сум подготвен да работам во овие услови? Да, ова е нова ситуација и ќе истражиме како ќе постапиме. Денот на натпреварот е важен, но работната недела исто така има значење“, изјави Фонсека пред Canal+ пред денешниот натпревар со ФКСБ во Лига Европа, во кој португалскиот стручњак може да го води тимот, бидејќи меѓународните натпревари засега не влегуваат во санкцијата.

Веднаш по објавувањето на казната од клубот уверија дека ќе поднесат жалба, а порано денес сопственикот Џон Текстор увери дека го поддржува својот тренер во оваа ситуација.