Фудбалерите на Барселона синоќа во Џеда го освоија Суперкупот на Шпанија, откако во финалето го декласираа најголемиот ривал Реал Мадрид со резултат 5:2.
На овој начин, Каталонците продолжија да „тероризираат“ својот најголем ривал, кој во октомври во Ла Лига го победија со 4:0 во Мадрид.
Традицијата продолжува, се трансформира - Pinko Crafts ↓↓↓
Барса ја освои 15-та титула во Суперкупот и е најтрофеен шпански клуб во ова натпреварување.
„Игравме одлично, тимот беше неверојатен. Можам само да им честитам на играчите. Бевме сложни, заедно се браневме и напаѓавме. Тоа е клучно и се обидуваме да го подобриме од натпревар во натпревар“, изјави тренерот на Барселона, Ханси Флик.
Германскиот стручњак по шести пат водеше екипа во финале и го освои шестиот трофеј. Со Баерн играше во финалињата на германскиот Куп и Суперкуп, Лигата на шампионите, Суперкупот на Европа и Светското клупско првенство.
„Во фудбалот сум многу години. Целта на големите клубови е да освојуваат трофеи и поради тоа работиме вредно. Сега во секој следен натпревар мораме да покажеме колку сме добри“, рече Флик.
Учество во игри на среќа е дозволено за лица со 18+ години. Играј одговорно!