Фановите воодушевени: Рикардо Кака се враќа во фудбалот!

Како бомба одекна веста дека Карло Анчелоти на крајот од сезоната ќе ја преземе репрезентацијата на Бразил.

Работата е конечно завршена по долги преговори со тамошната федерација, па Италијанецот се фрли на формирање на стручниот штаб кој ќе му помага во работата со „Селесао“.

Бразилските медиуми пренесуваат дека Анчелоти го повикал легендарниот Кака да му се приклучи како еден од помошните тренери.

Истите извори наведуваат дека некогашниот фудбалер на Милан и Реал Мадрид ќе биде задолжен за работа со младите играчи и развој на офанзивната игра, што би требало да помогне селекцијата да заигра повторно ефикасно.

Анчелоти и Кака соработуваа во Милан каде Бразилецот ја освои Златната топка во 2007 година, како и во Реал од Мадрид во 2013 година.

Официјално деби на Карло Анчелоти на клупата на Бразил би требало да се случи на 6 јуни кога противник ќе биде Еквадор.