Фабрегас добива работа од соништата – ќе води еден од најтрофејните италијански гиганти!?

Фудбалскиот клуб Милан ќе донесе одлука на крајот од сезоната за потенцијалниот останок на Сержо Консеисао, но шпекулациите за негово заминување се сè погласни.

Консеисао има клаузула во договорот со која Милан може да го раскине договорот на крајот од сезоната ако не ги исполни амбициите и не дојде до посакуваните резултати. Милан испадна од Лигата на шампиони, во Серија А е на осмото место, и останува само да се бори за трофејот во Купот на Италија, каде што во полуфиналето ќе се сретне со Интер.

Во случај Милан да не обезбеди пласман во Лигата на шампиони, веројатно е дека клубот повторно ќе бара нов тренер, а прва цел е – Сеск Фабрегас, додека алтернативи се Роберто Де Ѕерби и Маурицио Сари.