Легендарниот дефанзивец на репрезентацијата на Бразил и еден од најтрофејните играчи на Реал Мадрид, Марсело (36), објави дека заминува во пензија. Кариерата ја завршува по 721 одиграни натпревари, 58 голови, 117 асистенции и со статус на еден од најдобрите фудбалери кои играле на позицијата лев бек.
Бразилскиот Флуминенсе го раскинал договорот со него на почетокот на ноември минатата година по инцидентот кој се случил ден порано за време на натпреварот со Гремио (2:2). Имено, тренерот на Флуминенсе, Мано Менезес, го подготвил Марсело за влегување во игра, а потоа во последен момент ја повлекол одлуката и го вратил на клупата.
Совети од нутриционист: Вистината за исхраната! Што е најдобро за вашето здравје? ↓↓↓
Како што може да се види на видео записот, Менезес нешто му објаснувал на Марсело, а потоа одеднаш се налутил на него и ја откажал измената. Според една верзија на настанот, Марсело му рекол на Менезес да „не го допира“, а друга верзија вели дека Марсело одбил да исполни одредени тактички замисли на Менезес. Што и да било случајот, очигледно било доволно за клубот да преземе драстични мерки.
Се испостави дека натпреварот кој го одигра на 26 ноември минатата година бил и последен во неговата кариера. Настапи 16 минути во дуелот на Флуминенсе против Виторија.
Учество во игри на среќа е дозволено за лица со 18+ години. Играј одговорно!