Еден дебитант во составот на Милевски за натпреварите со Белгија и Казахстан

Македонската фудбалска репрезентација ги крева завесите на новиот квалификациски циклус за Светското првенство со два предизвикувачки натпревари, против Белгија и Казахстан. Селекторот Благоја Милевски денеска го соопшти списокот на фудбалери на кои ќе смета во јуни, а на него нема многу изненадувања.

Единственото ново име е младиот Стефан Деспотовски, кој добива шанса за деби во сениорскиот национален дрес. Од составот ќе отсуствува искусниот стопер Никола Серафимов, кој е суспендиран за дуелот со Белгија, додека во нападот ќе недостасува Ќамили, кој не е дел од оваа репрезентативна акција.

„Црвено-жолтите“ ќе ги започнат квалификациите на домашен терен – на 6 јуни, на Националната арена „Тодор Проески“ во Скопје, каде ќе го пречекаат фаворитот во групата, Белгија. Четири дена подоцна, на 10 јуни, нашата репрезентација патува на гостување против селекцијата на Велс.