Душан Тадиќ го избра новиот клуб и ги разочара Србите!

Душан Тадиќ на крајот се одлучи за Обединетите Арапски Емирати!

Како што пренесоа бројни извори од регионот Тадиќ ќе стане нов член на Ал Вахда.

Тој доби понуда за едногодишен договор, со можност за продолжување на соработката до летото 2027 година.

Летово познат беше интересот на Црвена Звезда и Војводина за него, но Тадиќ не беше подготвен за враќање во српскиот фудбал.

Чекаше понуди од Европа, се спомнуваа дури и Атлетико Мадрид, подоцна и Бенфика, но Ал Вахда се покажа како најконкретна.

По фазата во Истанбул, Тадиќ се сели во Абу Даби, и наскоро треба да биде официјално потврден неговиот трансфер.

Ал Вахда има освојено четири титули во првенството на Обединетите Арапски Емирати, а последната титула беше во 2010 година.

Тадиќ потекнува од Војводина и планира да се врати таму пред крајот на кариерата. Играше за Гронинген, Твенте, Саутемптон, Ајакс и Фенербахче, а за репрезентацијата на Србија има 111 настапи и 23 постигнати гола.