Се појавија гласини дека бразилската ѕвезда Нејмар би можел да го засили Интер, но спортскиот директор на клубот, Пјеро Аусилио, ги одби како апсурдни, велејќи дека токму таквите тврдења се бесмислени. Реалноста е дека “неразурите” беа заинтересирани за сегашниот голгетер на Наполи, Расмус Хојлунд.
Нејмар веќе скоро еден месец има проблеми со повреда на бутниот мускул и ќе биде отсутен најмалку до октомври. Додека актуелниот играч на Сантос е во процес на рехабилитација, италијанските медиуми го поврзуваа со најсилните тимови од Серија А.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Се зборуваше за Интер и Наполи, но од Милано ги демантираа овие информации.
“Нејмар во Интер? Да, тоа се глупости! Никогаш не сме разговарале на таа тема, ниту сме испратиле понуда. Тоа е безвредно. Имавме интерес за Лукман, но напредокот на Пио Еспозито и Бони ни овозможи да направиме чекор напред. Исто така го следевме и Хојлунд. Гасперини е врвен тренер”, изјави Аусилио во интервју за “Кориере спорт”.
Долгогодишниот функционер на актуелниот второпласиран тим на Европа, исто така откри дека летово добил примамлива понуда од Ал Хилал, но останал на “Џузепе Меаца” бидејќи со Интер има договор до летото 2027 година.
Да потсетиме, Интер по катастрофалниот старт на сезоната успеа да оствари три последователни победи во Серија А, а по репрезентативната пауза го очекува интензивен распоред во продолжението на шампионатот.
Веќе утре вечер им следи дерби натпревар против Рома, а потоа крајот на месецот ги чека тешки дуели против Наполи и Фиорентина.
Учество во игри на среќа е дозволено за лица со 18+ години. Играј одговорно!