Дијас имал договор со Ливерпул да биде продаден за конкретна сума, Барселона ја следи ситуацијата

Крилото на Ливерпул, Луис Дијас, има спогодба да замине ако “црвените” добијат понуда од 80 милиони евра, тврди шпанскиот медиум „Кадена Сер“.

Дополнително, од таму додаваат дека раководството на Барселона е свесно за ова и го означило Колумбиецот како примарна цел по неуспехот со Нико Вилјамс, но сепак не сакаат да платат толку висока цена. Се надеваат дека ќе успеат да ја намалат бараната сума и евентуално да ги раздолжат плаќањата за да можат да си го дозволат флангскиот напаѓач. На „Камп Ноу“ дури имаат надежи дека самиот Јужноамериканец може да помогне со пристапот кон „црвените“ барајќи трансфер.

Сепак, ваков потег изгледа малку веројатно, бидејќи самиот Дијас неодамна изјави во својата татковина дека е среќен во Ливерпул и е отворен за преговори со клубот за нов договор.

Дополнително, сериозен проблем за трансферот на крилото би можела да биде причината слична на онаа која беше фатална за договорот за Нико Вилјамс. Колумбиецот исто така има намера да бара гаранции од каталонците дека тие ќе можат да го регистрираат.