Џеко за војната: Не знаевме дали родителите ќе се вратат кога ќе одеа по храна

Един Џеко, капитен на фудбалската репрезентација на Босна и Херцеговина, премина во Фјорентина и се врати во Серија А, откако претходно во оваа земја играше за Рома и Интер. Во интервју за SportWeek, неделниот магазин на Газета дело Спорт, Џеко зборуваше за неговото доаѓање во Фиренца, но и за многу други теми. Во искрена исповед за италијанските медиуми, се осврна на своето детство во военото Сараево, односите со семејството, неговото враќање во Италија, но и за иднината во фудбалот.

„Првата плата не ја потрошив на себе, туку на родителите и сестрата. Ги одведов на ручек. Сакав барем делумно да им возвратам за сè што направија за мене”, се потсети Џеко за тешките денови во Сараево. Потоа проговори и за военото време: „Родителите мораа да одат по храна, а сестра ми и јас се грижевме дали ќе се вратат. Те учи да го цениш секој момент бидејќи ништо не е сигурно. Тоа те обликува како личност.”

Одлуката за доаѓање во Фјорентина беше брза и без многу размислување: „Кога ја слушнав можноста да дојдам, не побарав совет од пријателите. Знаев што претставува Фиорентина. Има огромен потенцијал, одличен тренинг центар и извонредна атмосфера. Ако треба, овде ќе спијам.”

Фото: Принтскрин